Վարչապետ Նիկոլ Փաշինյանի ավագ դուստրը՝ Մարիամ Փաշինյանը, իր ֆեյսբուքյան էջում անդրադարձել է Gucci-ի գարուն-ամառ 2020 հավաքածուի ցուցադրությանը մասնակցած հայազգի մոդել Արմինե Հարությունյանի արտաքինի վերաբերյալ վերջին օրերին համացանցում ծավալված բուռն քննարկումներին։

Նա կիսվել է Արմինեի մասին նյութով, որից մեջբերել է հետևյալ հատվածը.

«Ոչ ոք իրավունք չունի քննարկել, քննադատել մյուսի արտաքինը, պահանջել նման լինել կամ ենթարկվել ինչ որ օրենքների:

Նորաձևությունն այլևս ոչինչ չի պարտադրում, գլխավոր պայմանը՝ ինքդ քեզ նման լինելն է։ Անգամ ամենահեղինակավոր նորաձևության տների ցուցադրություններում ամեն տարի ավելանում են սովորական կանայք, ամենատարբեր կառուցվածքներով, մաշկի ու մազերի գույնով և հասակով»։

Էքսկլյուզիվ․ «Դա իսկապես անհավանական փորձ է՝ ներսից տեսնել այդ ամենը, դառնալ Gucci-ի աներեւակայելի «դրայվի» մասնիկը»․ Արմինե Հարությունյան