նախընտրելի դարձնել
«Ֆուկուսիմա-1» ատոմակայանի օպերատոր ճապոնական TEPCO ընկերությունն ապրիլի 9 -ից ձեռնամուխ է եղել կայանի տարածքում պողպատե արգելափակոցների կառուցմանը` թույլ չտալու համար ռադիոակտիվ նյութերի թափանցումը խաղաղ օվկիանոս, հաղորդում է «ՌԻԱ Նովոստին»:
Կառուցապատման աշխատանքներն իրականացվում են երկրորդ էներգաբլոկի տարածքում, որից ռադիոակտիվ ջրի արտահոսք կար: Մասնագետները նախատեսում են 120մ երկարությամբ պատնեշի մեջ առնել երկրորդ էներգաբլոկը եւ հարակից տեխնիկական կառույցները:
Շաբաթվա սկզբին TEPCO ընկերությունը 11,5 հազար տոննա ցածր ռադիոակտիվության ջուր էր բաց թողել օվկիանոս` ազատված ջրամբարներն ավելի բարձր ռադիոակտիվություն ունեցող ջրերի համար օգտագործելու նպատակով: Ընկերությունը հայտարարել է, թե ցավում է այդ որոշման համար, բայց ստեղծված իրավիճակում դա միակ ելքն էր:
