նախընտրելի դարձնել
Հայաստանի նախագահ Սերժ Սարգսյանն այսօր` ապրիլի 15-ին այցելել է Հայաստանի ոստիկանության ակադեմիա, որտեղ ոստիկանության օրվա նախօրեին բացվել է ծառայողական պարտականությունները կատարելիս զոհված ոստիկանության ծառայողների հիշատակին նվիրված հուշարձան:
Նախագահի մամուլի գրասենյակից NEWS.am-ին հայտնում են, որ Սերժ Սարգսյանը ներկա է գտնվել հուշարձանի բացման արարողությանը, որին հաջորդել է շքերթ` ակադեմիայի սաների մասնակցությամբ:
Երկրի նախագահը նաեւ շրջել է ակադեմիայի շենքում, ծանոթացել բարձրագույն կրթությամբ ոստիկանության կադրային մասնագետներ պատրաստող ուսումնական այդ հաստատության պայմաններին:
