Քիչ առաջ «Սուրմալու» տոնավաճառի դիմաց գտնվող «Գոռվետկայի» հարակից տարածքից շտապօգնության մեքենան մի քաղաքացու տեղափոխեց հիվանդանոց, որի վրա մեքենա էր ընկել:

Ինչպես NEWS.am-ին հայտնում է ֆոտոլրագրող Գագիկ Շամշյանը, այսօր` ապրիլի 16-ին ժամը 12:30-ի սահմաններում ԱԻՆ ճգնաժամային կառավարման կենտրոն ահազանգ է ստացվել, որ Սեւանի փողոցի Սառնարանների գործարանի հարակից մասում քաղաքացու վրա մեքենա է շրջվել:

Դեպքի վայրում պարզվել է, որ տուժածը Թուրքիայի քաղաքացի 47-ամյա Յուլմազ Բեշիրն է:

«Վոլվո» մակնիշի 31 AD 308 համարանիշի բեռնատար ավտոմեքենայի անիվը փոխելու ժամանակ «դանգրատ»-ը փախել է մեքենայի տակից եւ մեքենան ընկել է նրա ոտքին:

Դեպքի վայրում են եղել ԱԻՆ Փրկարար ծառայության Հատուկ փրկարարական ջոկատը եւ  օպերատիվ վարչության օպերատիվ խումբը:

Տուժածին տեղափոխել են «Էրեբունի» բժշկական կենտրոն:

 

 

 

 

 

 

Լուսանկարները եւ տեսանյութը՝ Գագիկ Շամշյանի