նախընտրելի դարձնել
Ելիսեյան պալատն ուժգնացրել է կորոնավիրուսից Ֆրանսիայի նախագահ Էմանուել Մակրոնի եւ նրա շրջապատի պաշտպանության միջոցները, հաղորդում է AFP-ը:
Ելիսեյան պալատի աշխատակցի խոսքով՝ նախագահի աշխատանքային տարածքի անվտանգության պահպանման համար այժմ հանդիպումներ չեն անցկացվում: Բացի այդ, վարչակազմի ներկայացուցչի խոսքով՝ հատուկ ուշադրություն է հատկացվում իրերին, որոնց դիպչում է նախագահը՝ բռնակներ, բլոկնոտներ, փաստաթղթեր:
Նրանց, ովքեր վերադարձել են վարակման մեծ թվով երկրներից, խորհուրդ են տվել մնալ տանն ու հետեւել զգուշության կանոններին հասարակական տրանսպորտում, հազվադեպ այցելել կինոթատրոններ եւ թատրոններ:
Կորոնավիրուսի տարածման կապակցությամբ չեղարկվել են Մակրոնի նստավայր մի շարք այցերը:
Ելիսեյան պալատում կոչ են արել նաեւ հրաժարվել հանդիպումների ժամանակ ձեռքսեղմումներից:
Ավելի վաղ հայտնի է դարձել, որ Ֆրանսիայի մշակույթի նախարար Ֆրանկ Ռիեստերը վարակվել է կորոնավիրուսով: Այժմ նա գտնվում է Փարիզի իր բնակարանում եւ իրեն նորմալ է զգում:
