նախընտրելի դարձնել
Ընկերություններին, որոնք գործում են արտակարգ դրության ռեժիմի ժամանակ, թույլատրվում է ավտոբուսներ կամ միկրոավտոբուսներ վարձել իրենց աշխատակիցներին տեղափոխելու համար։ Այս մասին ապրիլի 13-ին ԱԺ նիստում, ներկայացնելով երկրում արտակարգ դրությունը երկարաձգելու մասին կառավարության որոշումը եւ պատասխանելով «Լուսավոր Հայաստան» խմբակցության քարտուղարի ու ղեկավարի հարցերին, հայտարարեց փոխվարչապետ, պարետ Տիգրան Ավինյանը։
Նա նշեց, որ այդ տրանսպորտով թույլատրվում է տեղափոխել աշխատակիցներին ոչ միայն Երեւանում, այլեւ մարզերից մայրաքաղաք կամ մարզերի միջեւ, եթե միայն ձեռնարկությունը այդպիսի ավտոբուսների ուղեւորներին համապատասխան անցագրեր տրամադրի։
«Հասարակական տրանսպորտը վարակի հիմնական փոխանցողներից մեկն է, քանի որ ուղեւորների մեջ կարող են վարակվածներ լինել։ Մետրոյով երթեւեկելիս համեմատաբար մեծ է տարածքը, սակայն այնտեղ էլ վարակի աղբյուր կարող են լինել վագոններում ամրաձողերը»,- նկատեց պարետը։
