Նախընտրելի
Հայաստանում տարեցտարի խոսքի ազատությունը բավականաչափ զարգացել է, չնայած վերջին շրջանում երկրի իշխանությունները սպառնալից մատ էին թափ տալիս լրատվամիջոցների ուղղությամբ: Այս մասին դեկտեմբերի 15-ին երիտասարդների հետ հանդիպմանն ասաց Հանուն հայրենիքի փրկության շարժման վարչապետի թեկնածու Վազգեն Մանուկյանը:
Այնուամենայնիվ, նրա խոսքով, նույնիսկ այս պայմաններում Հայաստանում խոսքի ազատությունը միանգամայն գործում է: «Ազատության մեկ այլ բաղադրիչ է ազատ տնտեսությունը: Ազատ տնտեսությունը զարգացավ, բայց քանի որ ընտրությունների միջոցով մշտապես իշխանության վերարտադրության խնդիր էր դրված, նույն իշխանությունները այս կամ այն չափով ներգրավվեցին բիզնեսի մեջ՝ իրենց վերարտադրությունն ապահովելու համար»,- ասաց Մանուկյանը:
