Թուրք պաշտոնյաներին չի հաջողվել համոզել Ռուսաստանին չեղարկել մայիսի վերջում երկու երկրների միջեւ թռիչքների 1,5-ամսյա արգելքը: Դա հանգեցրել է զբոսաշրջային հատվածի անկմանը, որը փորձում է վերականգնվել համավարակի սահմանափակումների մեկ տարվա ժամկետից հետո, հաղորդում է Bloomberg-ը: Ակնկալվում է, որ Մոսկվան թույլ կտա զբոսաշրջիկներին ճանապարհորդել Թուրքիա՝ ռուսաստանցիների համար սիրված հանգստավայր, հունիսի կեսերից, հայտնել է բարձրաստիճան թուրք պաշտոնյան: Օտարազգի հյուրերի ծախսերը օտարերկրյա արժույթի հիմնական աղբյուրն են Թուրքիայում:

Ակնկալվում է, որ Ռուսաստանը կուղարկի նոր պատվիրակությունը, որը կգնահատի Թուրքիայում օդանավակայանների, հյուրանոցների եւ այլ տուրիստական վայրերի՝ կորոնավիրուսից պաշտպանության համար ձեռնարկված միջոցները նախքան որոշում կայացնելը, թե երբ կչեղարկվի ավիափոխադրումների արգելքը, հայտնել է մեկ ուրիշ թուրք պաշտոնյան:

Երեքշաբթի Ռուսաստանի կառավարությունը հերքել էր հաղորդագրությունները, որ արգելքը չեղարկվել է մինչեւ հունիսի վերջ: Սակայն «Աէրոֆլոտ» պետական ավիաընկերությունը հայտնել է դեպի Թուրքիա բոլոր չվերթները չեղարկելու մասին, բացի մինչեւ հաջորդ ամիս շաբաթական երկու անգամ պլանավորած չվերթները:

Երկուշաբթի Թուրքիայում կորոնավիրուսով վարակվելու նոր դեպքերի թիվը հասել է 10 174-ի: Կառավարությունը հույս ունի այս տարի ներգրավել ավելի քան 31 միլիոն զբոսաշրջիկ, ինչը կապահովի 23,3 միլիորդ դոլարի չափով շահույթ: