նախընտրելի դարձնելԱրարատի մարզի Արտաշատ քաղաքի Օգոստոսի 23-ի եւ Աթաբեկյան փողոցների խաչմերուկում (ՀՓՋ-ի շենքի հարեւանությամբ) այսօր` հունիսի 24-ի վաղ առավոտյան ավտովթար է տեղի ունեցել:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր են մեկնել հրշեջ-փրկարարներ:
Դեռեւս չպարզված հանգամանքներում «ՎԱԶ-21099» մակնիշի 67 ԼՏ 933 համարանիշի ավտոմեքենան բախվել է ճամփեզրի սյանը:
Հրշեջ-փրկարարների ուժերով ավտոմեքենայից դուրս է բերվել վարորդ, Բաղրամյան գյուղի բնակիչ, 25-ամյա Սարգիս Սարգսյանը եւ տեղափոխվել Արտաշատ քաղաքի հիվանդանոց:
Բժիշկների կողմից տուժածի առողջական վիճակը գնահատվել է ծանր:
