WhatsApp-ը Թուրքիայում տվյալների հավաքման թարմացում չի ներդնի, ինչը Facebook Inc-ին թույլ էր տալիս որոշակի օգտատիրական տվյալներ հավաքել այն բանից հետո, երբ Թուրքիայի մրցակցության խորհուրդը հետաքննություն սկսեց, տեղեկացնում է Reuters-ը։

Հունվարին WhatsApp-ը թարմացրել էր իր սպասարկման պայմանները՝ Facebook-ին եւ նրա դուստր ընկերություններին թույլ տալով հավաքել օգտատերերի տվյալներ, ինչպիսին են հեռախոսահամարները եւ նրանց ծննդավայրը, ինչը բացասական արձագանքի էր արժանացել Թուրքիայում, եւ սկսվել էր հետաքննություն Մրցակցության խորհրդի կողմից։

«WhatsApp-ը մեզ տեղեկացրել է, որ տվյալների փոխանակման հետ կապված թարմացումը չի պարտադրվի Թուրքիայի եւ ոչ մի օգտատիրոջ, այդ թվում նրանց, ովքեր այն հավանության են արժանացնում»,- ասվում է Խորհրդի վարչության հայտարարությունում։

WhatsApp-ի այս քայլը շատերին ստիպել է անցնել այլ հավելվածների հաղորդագրությունների փոխանակման համար, ինչպիսին են ներքին BiP-ը Թուրքիայում, Signal-ը եւ Telegram-ը։