նախընտրելի դարձնել
Մեծ Բրիտանիայի ֆինանսների նախարարության ղեկավար Ռիշի Սունակը դեմ է արտահայտվել կորոնավիրուսային վարակի տարածման դեմ պայքարի նոր սահմանափակող միջոցների ներդրմանը` առաջարկելով սպասել երկրում համավարակային պատկերի պարզաբանմանը, գրում է The Times-ը։
Սունակն առաջարկում է հապճեպ որոշումներ չընդունել՝ երկրում SARS-CoV-2-ի օմիկրոնի շտամի ակտիվ տարածման հետ կապված, ինչը կարող է միլիարդավոր դոլարների վնաս պատճառել տնտեսությանը։ Այդպես, նա միացել է առնվազն 10 նախարարների ճամբարին, որոնք դեմ էին հակահամավարակային սահմանափակումների ներդրմանը, որոնք կասկածի տակ են դնում երկրում համավարակային իրավիճակի զարգացման մոդելավորման ճշգրտությունը։
Իր հերթին, բրիտանական կառավարության ավագ գիտական խորհրդական Պատրիկ Վալանսը կարծում է, որ նոր սահմանափակումները որքան հնարավոր է շուտ պետք է ներդրվեն՝ Առողջապահության ազգային ծառայության (ԱԱԾ) գերծանրաբեռնվածությունը կանխելու համար:
Ըստ Sky News-ի եւ բրիտանական մի շարք այլ լրատվամիջոցների՝ կառավարական փորձագետները խորհուրդ են տալիս թագավորության իշխանություններին հնարավորինս շուտ խիստ սահմանափակող միջոցներ կիրառել՝ նախազգուշացնելով, որ հունվարին COVID-19-ով հոսպիտալացված հիվանդների օրական թիվը կարող է ավելի քան եռապատկվել` ներկայիս 900-ից մինչեւ 3 հազար: Օմիկրոն շտամի տարածման չափազանց արագ տեմպերը նաեւ սպառնում են աշխատողների թվի ժամանակավոր պակասի հանգեցնել մի շարք հիմնական ոլորտներում եւ սոցիալական ծառայություններում, այդ թվում` բժիշկների: Հնարավոր ճգնաժամը մեղմելու համար փորձագետները խորհուրդ են տալիս կտրուկ միջոցներով չսպասել մինչեւ կաթոլիկ Սուրբ Ծնունդ (դեկտեմբերի 25):
