նախընտրելի դարձնելԱշտարակ քաղաքում այսօր` հուլիսի 14-ին հանդիսավորությամբ նշվել է Աշտարակի Կախովի կամրջի եւ հարակից տարածքի բարեկարգման աշխատանքների ավարտը։ Բարեկարգման աշխատանքները կատարվել են Հայաստանի երիտասարդական հիմնադրամի, ՀՀԿ երիտասարդական կազմակերպության եւ Աշտարակի քաղաքապետարանի կողմից։
Հայաստանի երիտասարդական հիմնադրամից NEWS.am-ին հայտնում են, որ ծրագրի շրջանակներում բարեկարգվել է Քասախ գետի ձախ եւ աջ ափերը միմյանց միացնող միակ հետիոտնային կամուրջը: Կախովի կամուրջը նաեւ զբոսաշրջության համար կարեւոր նշանակություն ունեցող վայր է, որտեղից գեղեցիկ տեսարան է բացվում դեպի բազմադարյա պատմություն ունեցող Սուրբ Սարգիս, Ծիրանավոր, Սպիտակավոր եկեղեցիներ, Աշտարակի ջրաղաց եւ Հին կամուրջ:
Կամուրջն առանձնահատուկ նշանակություն ունի աշտարակցիների համար, քանի որ կամրջով է անցնում դեպի դպրոց տանող ճանապարհը։ Կամուրջը 1970-ական թվականների կառույց է եւ մինչ օրս չէր վերանորոգվել։
Արագածոտնի մարզպետ Սարգիս Սահակյանը տեղեկացրել է, որ Աշտարակում՝ Քասախ գետի վրա, կա 4 կամուրջ, որոնք բոլորն էլ բարեկարգ վիճակում են։
