Չորեքշաբթի առավոտյան Բրազիլիայի նախագահ Ժաիր Բոլսոնարուն դուրս է գրվել Սան Պաուլուի հիվանդանոցից, տեղեկացնում է Associated Press-ը։

Նա երկու օրով հոսպիտալացվել էր աղիների անանցանելիության պատճառով՝ ստիպված լինելով ընդհատել արձակուրդը։

Երեքշաբթի նրան ուղեկցող բժշկական բրիգադը բացառել էր վիրաբուժական միջամտության անհրաժեշտությունը։

66-ամյա Բոլսոնարուն չորս վիրահատություն է տարել  որովայնի խոռոչի վիրավորումից հետո, որն ստացել էր 2018թ. նախընտրական միջոցառման ժամանակ։

Այն ժամանակ նրան վիրահատել էր բժիշկ Անտոնիո Լուիս Մասեդոն, բժիշկ, որն այն ժամանակվանից զբաղվում է նրա բուժմամբ։