նախընտրելի դարձնելՀՀ տնտեսական մրցակցության պաշտպանության պետական հանձնաժողովն այսօր` հուլիսի 29-ին հարուցեց վարչական վարույթ Հրազդան քաղաքում գտնվող «Երեւան SET» սուպերմարկետի նկատմամբ՝ օրենքի հնարավոր խախտման առնչությամբ: Այդ մասին NEWS.am-ին տեղեկացրել են Հանձնաժողովի մամուլի ծառայությունից: Կոտայքի մարզի Հրազդան քաղաքի կենտրոնում գործում է «Երեւան SET» անվանումով սուպերմարկետ, որի ապրանքային նշանը շփոթության աստիճան նման է «Երեւան CITY» սուպերմարկետների ցանցի ապրանքային նշանին:
Համաձայն «Տնտեսական մրցակցության պաշտպանության մասին» ՀՀ օրենքի, ձեռնարկատիրական գործունեության ցանկացած գործողություն կամ վարքագիծ, որն առաջացնում է կամ կարող է առաջացնել շփոթություն այլ տնտեսվարողի գործունեության կամ առաջարկած ապրանքների նկատմամբ, համարվում է անբարեխիղճ մրցակցության գործողություն: Մասնավորապես այս դեպքում շփոթության առաջացում է համարվում այլ տնտեսվարողին պատկանող ապրանքային կամ սպասարկման նշանի նմանակումը:
Ինչպես ավելի վաղ տեղեկացրել էր NEWS.am-ը`, Հրազդանում գործող սուպերմարկետը որեւէ առնչություն չունի Սամվել Ալեքսանյանի բիզնեսի հետ, որին էլ պատկանում է «Երեւան CITY» ապրանքանիշը:
