նախընտրելի դարձնել
Գերմանիայի ֆինանսների նախարարը նախազգուշացրել է, որ աշխատավարձերի բարձրացումը կարող է խթանել գնաճը:
Գերմանիայում ապրիլին գնաճը տարեկան կտրվածքով 7.8 տոկոսի է հասել, ինչն ամենաբարձրն է վերջին 40 տարում:
Գերմանական արհմիությունների դաշնության համաձայն՝ Գերմանիայում շուրջ 10 միլիոն աշխատողների աշխատավարձի մասին համաձայնագրերն այս տարի կվերանայվեն: Անցյալ ամիս IG Metall-ի ազդեցիկ արհմիությունը դժգոհել էր՝ պահանջելով 8.2 տոկոսով բարձրացնել ավելի քան 70 հազար պողպատագործի աշխատավարձերը:
«Աշխատավարձերի պատճառով գների բարձրացման ռիսկն իրական է»,- Reuters-ին ասել է ֆինանսների նախարար Քրիստիան Լինդները:
Նրա խոսքով՝ աշխատավարձի մասին համաձայնագրերի շուրջ բանակցող ընկերությունները եւ արհմիությունները մեծ պատասխանատվություն են կրում աշխատավարձի գնային պարույրների կանխման համար:
«Արդեն ցուցումներ կան, որ միանվագ վճարումները կարող են խաղալ իրենց դերն այս տարի,- ասել է Լինդները՝ հավելելով, որ կառավարությունը պետք է թուլացնի գնաճային ճնշումը մաքուր եկամտի վրա:- Մենք մտադիր ենք հենց դա անել օգնության փաթեթների հետ»:
