նախընտրելի դարձնել
ԵԱՏՄ անդամ երկրների կառավարություններն աշխատում են բանկային երաշխիքների փոխադարձ ճանաչման ուղղությամբ։ Ճիշտ է՝ միայն Միության շրջանակներում։ Այս մասին հունիսի 6-ին Ազգային ժողովում մշտական խորհրդարանական հանձնաժողովների համատեղ նիստին 2021 թ. պետական բյուջեի կատարողականի նախնական քննարկման ժամանակ հայտարարեց ՀՀ ֆինանսների նախարար Տիգրան Խաչատրյանը։
Նպատակը, նրա խոսքով, այն է, որպեսզի ԵԱՏՄ անդամ մի երկրում տրված բանկային երաշխիքները ճանաչվեն մյուս չորսում։
«Դա մեծապես կնպաստի ընդհանուր ֆինանսական շուկայի զարգացմանը»,- պարզաբանեց նախարարը։
Բացի այդ, աշխատանքներ են տարվում թվային ստորագրությունների փոխադարձ ճանաչման ուղղությամբ, ընդ որում՝ ինչպես քաղաքացիների, այնպես էլ բիզնեսների:
«Դրա համար համեմատվում են հինգ հանրապետությունների տարածքներում արդեն գործող համակարգերի աշխատանքն ու անվտանգությունը»,- նշեց Խաչատրյանը։
