նախընտրելի դարձնել
Եղվարդ-Աբովյան ավտոճանապարհի Նոր Գեղի գյուղի վարչական տարածքում այսօր՝ ժամը 20:00–ի սահմաններում, «ВАЗ 2103» մակնիշի ավտոմեքենան դուրս է եկել երթևեկելի գոտուց, բախվել երկաթե արգելապատնեշին, շրջվել և մասամբ հայտնվել ճանապարհի երթևեկելի գոտում հայտնում է shamshyan.com-ը։
Վթարի հետևանքով երեք մարդ օպերատիվորեն ժամանած բժիշկների կողմից նախ տեղում առաջին բուժօգնությունն են ստացել, ապա տեղափոխվել հիվանդանոց:
Վթարի փաստի առթիվ նախաձեռնվել է քրեական վարույթ: Ոստիկանությունն ու քննչական բաժինը պարզում են վարորդի և վիրավորների ինքնությունը:
Քննիչի հանձնարարականով ավտոմեքենան տեղափոխվում է ոստիկանության Նաիրիի բաժնի պահպանվող հատուկ տարածք:
