Իսպանիան, Պորտուգալիան եւ Ֆրանսիան պայմանավորվել են Բարսելոնայի եւ Մարսելի միջեւ ջրածնի եւ գազի փոխադրման խողովակաշար կառուցել՝ փոխարինելով, այսպես կոչված, MidCat խողովակաշարը Պիրենեյան կղզիներով երկարացնելու պլանները, որին Ֆրանսիան դեմ էր:

BarMar անունը կրող երթուղին հիմնականում կօգտագործվի կանաչ ջրածնի եւ այլ վերականգնվող գազերի փոխադրման համար, բայց նաեւ ժամանակավորապես կփոխադրի «սահմանափակ քանակությամբ» բնական գազին, որպեսզի օգնի մեղմացնել Եվրոպայի էներգետիկ ճգնաժամը, ասել է Պորտուգալիայի վարչապետ Անտոնիո Կոստան:

Գազատարը «պատասխանն է մեր եվրոպացի գործընկերների համերաշխության կոչերին՝ [Ռուսաստանի նախագահ Վլադիմիր] Պուտինի շանտաժի դեմ»,- լրագրողներին ասել է Իսպանիայի վարչապետ Պեդրո Սանչեսը։

Ֆրանսիայի նախագահ Էմանուել Մակրոնն ասել է, որ «ատ կարեւոր է, որ Եվրոպան միասնական մնա»:

BarMar-ը լուծում է վեճը Իսպանիայի եւ Պորտուգալիայի միջեւ, որոնք ցանկանում էին ընդլայնել MidCat խողովակաշարը, որպեսզի կարողանան գազ վաճառել Կենտրոնական Եվրոպային, եւ Ֆրանսիայի միջեւ, որը պնդում էր, որ խողովակաշարը չափազանց երկար ժամանակ կպահանջի մատակարարման կարճաժամկետ խնդիրները լուծելու համար:

«Լավ նորություն՝ Եվրոպայի ամենահին շրջափակումներից մեկը հաղթահարված է»,- ասել է Կոստան:

Համատեղ հայտարարության համաձայն՝ Իսպանիան եւ Ֆրանսիան նաեւ պայմանավորվել են արագացնել էլեկտրաէներգիայի փոխկապակցումը Բիսկայան ծոցի միջով, ինչպես նաեւ բացահայտել եւ զարգացնել երկու ազգային ցանցերի միջեւ այլ կապեր:

Երեք երկրների ղեկավարները պայմանավորվել են դեկտեմբերի 9-ին կրկին հանդիպել Իսպանիայի Ալիկանտե քաղաքում՝ շինարարության ժամկետները եւ դրա ֆինանսավորման ուղիները որոշելու համար։