Ո՞րն է B-21 Raider-ում լավագույն բանը: Թերեւս դա նոր անտեսանելի ռմբակոծիչի թռիչքի հեռահարությունը չէ, դրա օգտակար բեռնվածությունը չէ եւ նույնիսկ անպոչ թռչող թեւին բնորոշ կառույցը չէ, գրում է BI-ն։

Իսկապես, չնայած ԶԼՄ-ները եւ ավիացիայի սիրահարները ախուվախ են անում 34 տարվա ընթացքում առաջին նոր ամերիկյան ռմբակոծիչի շնորհանդեսի կապակցությամբ, որը Northrop Grumman-ն անվանել է «վեցերորդ սերնդի աշխարհի առաջին ինքնաթիռ», այս պահին մենք քիչ բան գիտենք ինքնաթիռի հնարավորությունների մասին:

Այնուամենայնիվ, B-21-ի լավագույն առանձնահատկությունը կարող է լինել ոչ թե նրա ընթացիկ հնարավորությունները, այլ ապագան:

«Raider-ը կառուցվել է բաց համակարգի ճարտարապետությամբ, ինչը նրան դարձնում է հեշտ հարմարվող»,- ասել է պաշտպանության նախարար Լլոյդ Օսթինը դեկտեմբերի 2-ին Northrop Grumman's Palmdale գործարանում B-21-ի շնորհանդեսի ժամանակ: Այնպես որ, քանի որ Միացյալ Նահանգները շարունակում է նորարարություններ մտցնել, այս ռմբակոծիչը կկարողանա պաշտպանել մեր երկիրը նոր զենքով, որը նույնիսկ դեռ չի հայտնագործվել: «B-21-ի առավելությունը կպահպանվի տասնամյակներ»,- հավելել է Օսթինը:

B-21-ը դեռեւս գոյություն չունեցող տեխնոլոգիաներով արդիականացնելու հնարավորությունը կարող է թույլ տալ ռմբակոծիչին տասնամյակներ շարունակ մնալ կենսունակ զենք, ճիշտ այնպես, ինչպես լեգենդար B-52-ը գործում է 1950-ականների կեսերից:

Նախատեսվում է, որ B-21-ն իր առաջին թռիչքը կիրականացնի ոչ շուտ, քան 2023 թվականին, սակայն Northrup-ն արդեն պարծենում է, որ այն հատուկ ստեղծվել է փոփոխվող տեխնոլոգիաներին համընթաց գնալու համար:

Որոշ դեպքերում ապագա ռազմական տեխնոլոգիաների վերաբերյալ անորոշ խոստումները կարող են պարզապես հռետորաբանություն լինել, այլ դեպքերում դա կարող է անհաջող ծրագրի համար ժամանակ շահելու փորձ լինել: B-21-ը դեռ շատ հեռու է շահագործումից, եւ պաշտոնյաները լրացրել են ծրագիրը, բայց նրանք, ովքեր ակնկալում են, որ դա հեղափոխական կոնստրուկցիա կլինի, կարող են հիասթափվել:

««Թռչող թեւերը» հասուն հայեցակարգ է, որ ներկայացվել է 1940-ականներին»,- ասել է ավիացիոն վերլուծաբան Ռիչարդ Աբուլաֆիան Insider-ին:

Բայց B-21 նախագիծը ենթադրում է գիտակցված համոզմունք, որ ինքնաթիռը նույնքան լավն է, որքան ապագա նորարարություններին հարմարվելու նրա կարողությունը:

Իսկապես, դասական ռազմական ինքնաթիռների ընդհանուր հայտարարը, ինչպիսին է B-52-ը, որը ներկայումս արդիականացվում է, կամ F-4 Phantom-ը, ժամանակի հետ համընթաց պահելու նրանց կարողությունն է: Լավ, հարմարվող բազայի դիզայնով նոր զենքեր, սենսորներ եւ ավիոնիկա կարող են ավելացվել ավելի ուշ: «Եթե բաց ճարտարապետության հայեցակարգը գործի, մենք կարող ենք տեսնել ինքնաթիռ, որը թռչում է 60, 70 կամ 80 տարի, ինչպես B-52-ը»,- ասել է AeroDynamic Advisory-ի գործադիր տնօրեն Աբուլաֆիան:

Ճակատագրի հեգնանքով, այս ամենը վկայում է այն մասին, որ չնայած B-21-ի ներկայիս հնարավորությունները որոշիչ նշանակություն ունեն, դրանք չեն կարող լինել ինքնաթիռի երկարաժամկետ հաջողության կարեւոր բաղադրիչ:

Օրինակ, գործողության հեռահարությունն այլեւս խնդիր չէ, ինչպես նախկինում: Թեեւ B-21-ի թռիչքի հեռավորությունը կոդավորված է, որոշ գնահատականներով՝ նրա գործողության շառավիղը 6000 մղոն է, օդային լիցքավորումը պետք է թույլ տա Raider-ին հարվածել մոլորակի ցանկացած կետի:

Ռադիոլոկացիոն տեխնոլոգիաների ոլորտում ձեռքբերումները, ինչպիսին է հակա-սթելս-ռադարը, կարող է մասամբ չեզոքացնել B-21-ի անտեսանելիությունը, սակայն Raider-ը նաեւ կստանա ավելի կատարելագործված խլացուցիչներ կամ ավելի բարելավված ռադիոկլանիչ ծածկույթ:

B-21-ը նաեւ կզինվի նոր զինատեսակներով, մասնավորապես նոր սերնդի հակատանկային սպառազինությամբ։ Օդային ուժերը, օրինակ, վերջերս պոտենցիալ մշակողներից տեղեկատվություն են խնդրել օդային բազավորման նոր համակարգի ստեղծման մասին, որը պետք է տեղակայվի մինչեւ 2030 թվականը։