նախընտրելի դարձնել
Սաուդյան Արաբիան նախատեսում է տեղական ուրան օգտագործել իր միջուկային էներգետիկան զարգացնելու համար, հայտարարել է էներգետիկայի նախարար, արքայազն Աբդուլազիզ բեն Սալմանը, հայտնում է Reuters-ը։
Նրա խոսքով՝ վերջին հետախուզումը ցույց է տվել ուրանի պաշարների բազմազանություն Պարսից ծոցի արաբական երկրում, որը աշխարհում նավթի խոշորագույն արտահանողն է:
Սաուդյան Արաբիան նոր միջուկային ծրագիր ունի, որը նա ցանկանում է ընդլայնել, որ ի վերջո ներառի ուրանի հարստացումը, որը զգայուն ոլորտ է՝ հաշվի առնելով նրա դերը միջուկային զենքի մեջ: Էր Ռիադը հայտարարել է, որ ցանկանում է օգտագործել միջուկային էներգիան իր էներգետիկ հավասարակշռությունը դիվերսիֆիկացնելու համար:
Անհասկանալի է, թե որտեղ են ավարտվում նրա հավակնությունները, քանի որ թագաժառանգ արքայազն Մուհամմեդ բեն Սալմանը 2018 թվականին ասել էր, որ թագավորությունը միջուկային զենք կստեղծի, եթե Իրանը դա անի:
«Թագավորությունը մտադիր է օգտագործել ուրանի իր ազգային ռեսուրսները, այդ թվում՝ շահագրգիռ գործընկերների հետ համատեղ ձեռնարկություններում, միջազգային պարտավորություններին եւ թափանցիկության չափանիշներին համապատասխան»,- ասել է Աբդուլազիզ բեն Սալմանը:
Նրա խոսքով, դա կներառի «միջուկային վառելիքի ողջ ցիկլը, ներառյալ դեղին կեկի, ցածր հարստացված ուրանի եւ միջուկային վառելիքի արտադրությունը ինչպես մեր ազգային օգտագործման, այնպես էլ, իհարկե, արտահանման համար»:
Պարսից ծոցի մեկ այլ պետություն՝ Արաբական Միացյալ Էմիրությունները (ԱՄԷ), ունի արաբական աշխարհում առաջին բազմաբլոկային գործող ատոմակայանը։ ԱՄԷ-ն պարտավորվել է չհարստացնել ուրանը կամ չվերամշակել օգտագործված վառելիքը։
Միջուկային ռեակտորներին անհրաժեշտ է մոտ 5% մաքրությամբ հարստացված ուրան, սակայն այս գործընթացում նույն տեխնոլոգիան կարող է օգտագործվել նաեւ ծանր մետաղը մինչեւ ավելի բարձր, զենքի մակարդակ հարստացնելու համար:
