նախընտրելի դարձնել
Մեքսիկայի հանրային անվտանգության երբեմնի ազդեցիկ նախարարը երեքշաբթի ատենակալների ամերիկյան դատարանի կողմից մեղավոր է ճանաչվել թմրանյութերի մաքսանենգությանն աջակցելու մեջ, տեղեկացրել է AFP-ն։
Ֆելիպե Կալդերոնի նախագահության (2006-2012թթ.) ժամանակ հանրային անվտանգության նախարար աշխատած Խենարո Գարսիա Լունան Նյու Յորքում աղմկալի դատավարությունից հետո մեղավոր է ճանաչվել մեղադրանքի բոլոր հինգ կետերով։
Դատավարությունն ընթացել է մեկ ամիս եւ լույս սփռել Մեքսիկայի կառավարությունում ամենաբարձրաստիճան գործչի, որը երբեւէ դատարանի առջեւ է կանգնել ԱՄՆ-ում, կոռուպցիոն գործունեության վրա։
Դատավարությունը լույս է սփռել Խոակին «Էլ Չապո» Գուսմանի ղեկավարած Սինալոա կարտելի հսկայական ռեսուրսների վրա։ Գուսմանն այժմ ցմահ բանտարկված է ամերիկյան բանտում։
Մեքսիկայի կառավարության նախկին անդամը դատապարտվել է հսկայական գումարներ ստանալու համար, ինչը կարտելին թույլ է տվել մաքսանենգ ճանապարհով տոննաներով կոկաին տեղափոխել։
Դատավճիռը կայացվելու է հունիսի 27-ին, նրան սպառնում է պարտադիր նվազագույն ժամկետ՝ 20 տարի եւ առավելագույն ժամկետ՝ ցմահ բանտարկություն։
