Թերթը գրում է, որ Ճանապարհային ոստիկանության նախկին պետ Մարգար Օհանյանն արդեն սկսել է ցուցմունք տալ իր վերադասի դեմ: «Բնականաբար` դրանք առաջին հերթին ուղղված են ոստիկանապետ Ալիկ Սարգսյանի դեմ, որը, Օհանյանի հայտարարությամբ, կամ տեղյակ է եղել կատարվող հանցագործությունների մասին, կամ նրա հրահանգով է կատարվել ամենը: Մ. Օհանյանը որոշել է, որ ինքը չպետք է քավության նոխազ դառնա, եւ որոշել է խոսել: Նրանից առայժմ այդ ցուցմունքները վերցնում են, եւ եթե հարկ լինի` կդրվեն շրջանառության մեջ: Այնպես որ, ոստիկանական համակարգում խոսում են, որ հաջորդ «զոհը» լինելու է Ալիկ Սերգեյիչը: Մասամբ դա է պատճառը, որ ոստիկանապետը սկսել է ավելի հաճախ երեւալ, ավելի շատ խոսել եւ ավելի ժողովրդավար ներկայանալ»,- գրում է «Հրապարակ»-ը: