Սկանդալ եւ բախումներ են տեղի ունեցել մի խումբ տղամարդկանց, PAS-ի կառավարության կողմնակիցների եւ «Շոր» ռուսամետ կուսակցության կողմից վերահսկվող «Հանուն ժողովրդի շարժման» կազմակերպած հանրահավաքի մասնակիցների միջեւ: 

Պատգամավոր Մարինա Տաուբերը մի խումբ տղամարդկանց գործողությունները որակել է որպես ցուցարարների «սպանության փորձ», հաղորդում է unimedia.info-ն։

Տեսանյութում երեւում է, թե ինչպես են մի խումբ տղամարդիկ շարժվում դեպի ամբոխը եւ սկսում հրել հանրահավաքի մասնակիցներին։

«Կորչեն սադրիչները»,-վանկարկել է ամբոխը։

Այժմ ակցիան կրկին հանգիստ է ընթանում։ Քիշնեւի կենտրոնով երթեւեկությունն արգելափակվել է, հարակից փողոցներով երթեւեկությունը դժվարացել է։