ՆախընտրելիԹուրքիայի վարչապետ Ռեջեփ Թայիփ Էրդողանն առաջարկում է չեղյալ հայտարարել ՄԱԿ-ի Անվտանգության խորհրդի 5 մշտական անդամների համակարգը:
«ՄԱԿ-ում անհրաժեշտ է որոշակի բարեփոխումներ իրականացնել եւ չեղյալ հայտարարել ՄԱԿ-ի Անվտանգության խորհրդի 5 մշտական անդամների համակարգը, քանի որ աշխարհի ճակատագիրը նրանց որոշումներից է կախված»,-ասել է Էրդողանը TIME ամսագրին տված հարցազրույցում, հաղորդում է Hurriyet թերթը:
Վարչապետը նաեւ հայտարարել է, որ ԱՄՆ-ի եւ Թուրքիայի հարաբերությունները կայուն են եւ ճգնաժամ չեն ապրում, սակայն դրանք բարելավվում են «ավելի նվազ չափով, քան մենք կցանկանայինք», հաղորդում է Trend-ը: ՄԱԿ-ի Անվտանգության խորհրդի մեջ մտնում են 5 մշտական անդամներ` Չինաստանը, ՌԴ-ն, Մեծ Բրիտանիան, ԱՄՆ-ը եւ Ֆրանսիան: Ոչ մշտական անդամները ընտրում են երկամյա ժամկետով:
