Գերմանիայի կանցլեր Օլաֆ Շոլցը կիրակի կոչ է արել Հյուսիսային Կորեային դադարեցնել բալիստիկ հրթիռների փորձարկումները՝ Հյուսիսային և Հարավային Կորեաների միջև ամրացված սահմանն այցելելուց հետո,  Սեուլում Հարավային Կորեայի նախագահ Յուն Սոկ Յոլի հետ գագաթնաժողովի նախաշեմին, տեղեկացնում է  Reuters-ը։ 

Շոլցը, որն այցելել է Հարավային Կորեա Հիրոսիմայում «Մեծ յոթնյակի» գագաթնաժողովից հետո, հրթիռների փորձարկումներն անվանել է  Կորեական թերակղզում «դեռևս վտանգավոր մնացող իրավիճակի» նշան։

«Սա սպառնալիք է տարածաշրջանի  խաղաղության և անվտանգության համար»,- հայտարարել է նա ռազմաբազայում՝ Հարավային և Հյուսիսային Կորեաները բաժանող ապառազմականացված գոտի այցելելուց հետո։

Ըստ նրա, Գերմանիայի, որպես բաժանված ազգի,  պատմությունը հաղթահարվել է, իսկ Կորեական թերակղզում բաժանումը պահպանվում է։