նախընտրելի դարձնելԵՊՀ-ում, հոտկեմբերի 4-ին, տեղի կունենա «Լեզուն, գրականությունը եւ արվեստը միջմշակութային համատեքստում» խորագրով միջազգային գիտաժողով:
Գիտաժողովը, որը նվիրված է ՀՀ անկախության եւ ԵՊՀ ռոմանագերամանական բանասիրության ֆակուլտետի հիմնադրման 20-ամյա հոբելյաններին, կազմակերպվել է ԵՊՀ անգլիական բանասիրության ամբիոնի եւ Անգլերենի ուսումնասիրության հայկական ասոցիացիայի (ԱՈՒՀԱ) հետ համատեղ:
Գիտաժողովին մասնակցում են 150-ից ավելի մասնագետներ, այդ թվում 27 օտարերկյա բուհերից:
Գիտաժողովի նպատակն է ի մի բերել հանրապետությունում բարձրագույն կրթության եւ գիտության ոլորտներում առկա ձեռքբերումները եւ պարզել առաջիկա խնդիրներն անգլիագիտության, լեզվաբանության եւ գրականագիտության բնագավառներում: Գիտաժողովի նպատակն է նաեւ ուշադրություն հրավիրել արդիական հնչեղություն ունեցող հայագիտական խնդիրների վրա, արթնացնել այն գիտակցությունը, որ օտար լեզուների, մասնավորապես անգլերենի իմացությունը պետք է առաջին հերթին ծառայեցել ազգային նպատակների իրականացման համար:
Գիտաժողովին ներկա են լինելու ՀՀ ԳԱԱ նախագահ Ռադիկ Մարտիրոսյանը, Գիտության պետական կոմիտեի նախագահ Սամվել Հարությունյանը, ԵՊՀ ռեկտոր Արամ Սիմոնյանը եւ ՀՀ-ում հավատարմագրված դեսպանններ:
