նախընտրելի դարձնել
Պակիստանի վարչապետ Շեհբազ Շարիֆը կիրակի հայտարարել է, որ Իսլամաբադի եւ Մոսկվայի միջեւ կնքված նոր համաձայնագրով զեղչված գնով ռուսական հում նավթի առաջին խմբաքանակը հասել է Կարաչի, որտեղից երկուշաբթի կսկսվի դրա առաքումը:
«Ուրախ եմ հայտնելու, որ Կարաչի է հասել ռուսական հում նավթի առաջին խմբաքանակը եւ վաղը կսկսվի դրա բեռնաթափումն ու առաքումը»,- գրել է Շարիֆը Twitter ում: «Սա պատմության մեջ ռուսական նավթի առաջին առաքումն է Պակիստան եւ Պակիստանի ու Ռուսաստանի Դաշնության միջեւ նոր հարաբերությունների սկիզբը»:
Reuters-ն այս գործարքի մասին առաջին անգամ հաղորդել էր ապրիլին: Զեղչված գնով նավթը թեթեւացում է բերում Պակիստանին, որը բախվել է վճարունակության ճգնաժամին եւ իր պարտքի պատճառով դեֆոլտ հայտարարելու վտանգի առաջ հայտնվել:
Պակիստանի գնումը Ռուսաստանին նոր շուկա է տալիս, ավելացնելով Մոսկվայի աճող արտահանումը Հնդկաստան եւ Չինաստան, քանի որ Ուկրաինայում հակամարտության պատճառով ստիպպված է արեւմմտյան շուկաներից իր նավթն ուղղել այլ շուկաներ։
Էներգակիրների ներմուծումը կազմում է Պակիստանի արտաքին վճարումների մեծ մասը: Ակնկալվում է, որ հում նավթի ներմուծումը առաջին բեռի ժամանումից հետո օրական կհասնի 100 հազար բարելի:
