նախընտրելի դարձնել
Թուրքական Akıncılar տեքստիլ ընկերությունը համագործակցության համաձայնագիր է ստորագրել Ադրբեջանի պաշտպանական արդյունաբերության նախարարության գիտահետազոտական ինստիտուտի հետ։
Ընկերության մամուլի ծառայությունը հայտնել է, որ կողմերի միջեւ ստորագրված արձանագրության համաձայն՝ Ադրբեջանում կստեղծվի համատեղ արտադրական ձեռնարկություն եւ լաբորատորիա։
Այսօրվա դրությամբ Akıncılar ընկերությունը Իզմիրում արտադրում է զրահաբաճկոններ, բալիստիկ սաղավարտներ, համազգեստներ եւ այլն, հաղորդում է Անատոլիական գործակալությունը։
Պաշտպանական նշանակության արտադրանքը, որը կարտադրվի Ադրբեջանում համատեղ ձեռնարկությունում, նախատեսվում է մատակարարել երրորդ երկրներ։
«Ադրբեջանում առաջին անգամ կարտադրվի փամփուշտակայուն պաշտպանական արտադրանք։ Ինովացիոն կենտրոնում Akıncılar-ի ինժեներները եւ Ադրբեջանի պաշտպանական արդյունաբերության նախարարության գիտահետազոտական ինստիտուտը համատեղ կզարգացնեն արտադրությունը»,- ասել է վարչության ղեկավար Ահմեթ Ջան Ուզունթեփեն։
