նախընտրելի դարձնել
Շվեդիան կատարել է Թուրքիայի հետ ՆԱՏՕ-ին անդամակցելու մասին համաձայնագրով նախատեսված իր պարտավորությունները, եւ ժամանակն է, որ թուրքական խորհրդարանը սկսի վավերացման գործընթացը, որպեսզի թույլ տա Շվեդիային անդամակցել դաշինքին, չորեքշաբթի ասել է Շվեդիայի արտգործնախարար Թոբիաս Բիլսթրյոմը։
«Մեր կարծիքն այնպիսին է, որ մենք արել ենք այն, ինչ մեզանից սպասում էին, այժմ թուրքական խորհրդարանը պետք է սկսի վավերացման գործընթացը», - խորհրդարանի նիստից հետո Reuters-ին ասել է նա։
Ավելի վաղ Թուրքիայի նախագահ Ռեջեփ Թայիփ Էրդողանը Շվեդիային հասկացրել էր, որ Վիլնյուսում Դաշինքի առաջիկա գագաթաժողովում չպետք է սպասի ՆԱՏՕ-ի անդամակցությանը։
Էրդողանն ընդգծել է, որ «այս պայմաններում սխալ է ճնշում գործադրել Թուրքիայի վրա՝ Շվեդիայի հայտը վավերացնելու համար»։
