նախընտրելի դարձնել
90 տարեկան հասակում մահացել է ռեժիսոր, ՌՍՖՍՀ ժողովրդական արտիստ Գլեբ Պանֆիլովը, «Ինտերֆաքս»-ին հայտնել է «Լենկոմ» թատրոնի տնօրեն Մարկ Վարշավերը։
«Ցավոք սրտի, մահացել է մեծ ռեժիսոր, մեր թատրոնի ընկեր Գլեբ Անատոլևիչ Պանֆիլովը»,- ասել է Վարշավերը։
Վարշավերը հիշեցրել է, որ ռեժիսորը վերջին ամիսներին ապաքինվում էր հիվանդությունից։
Գլեբ Պանֆիլովը ծնվել է 1934 թվականի մայիսի 21-ին Մագնիտոգորսկում։ Վաղ տարիներին աշխատել է Սվերդլովսկի հեռուստատեսությունում, որտեղ մի քանի ֆիլմ է նկարահանել։
1960-1963 թվականներին նա հեռակա սովորել է ՎԳԻԿ-ի օպերատորական բաժնում, այնուհետև սովորել է գեղարվեստական ֆիլմի բեմադրիչ ռեժիսորների բաժնում։
1966 թվականին սկսել է աշխատել «Լենֆիլմում», որտեղ նկարահանել է իր առաջին լիամետրաժ ֆիլմը՝ «Կրակի մեջ անցահուն չկա», ֆիլմն արժանացել Լոկառնոյի փառատոնի գլխավոր մրցանակին։ 1970 թվականին նկարահանել է «Սկիզբ» ֆիլմը։ Ֆիլմի նկարահանումների ժամանակ Պանֆիլովն ամուսնացել է դերասանուհի Իննա Չուրիկովայի հետ։ Այդ ժամանակվանից նա դարձել է նրա «մուսան»։
1977 թվականին Պանֆիլովը տեղափոխվել է «Մոսֆիլմ» կինոստուդիա։ «Մոսֆիլմ»-ում Պանֆիլովը նկարահանել է «Թեմա» ֆիլմը, որն արժանացել է Բեռլինի կինոփառատոնի գլխավոր մրցանակին։
1986 թվականին որպես թատերական ռեժիսոր իր դեբյուտն արել է «Լենկոմ» թատրոնում՝ «Համլետի» բեմադրությամբ, որում խաղացել են թատրոնի առաջատար դերասանները՝ Օլեգ Յանկովսկին (Համլետ), Իննա Չուրիկովան (Գերտրուդ), Ալեքսանդրա Զախարովան (Օֆելյա)։
1990 թվականին Մաքսիմ Գորկու ստեղծագործությունների հիման վրա նկարահանել է «Մայրը» ֆիլմը։ Նույն թվականին արժանացել է Կաննի մրցանակի՝ կինոյում գեղարվեստական ավանդի համար։
