ՆախընտրելիՆոյեմբերի 15 –ին չեխական 9 ընկերություն արժանացել է «Ethnic Friendly» մրցանակի` ազգային փոքրամասնություններ ներկայացնող աշխատակիցների նկատմամբ արդարացի վերաբերմունքի համար: Պարգեւը հանձնվում է «IQ Roma servis» եւ «Romea» ասոցիացիաների կողմից: Այդ մասին տեղեկացնում է չեխական «Prague Daily Monitor»-ը:
Նման պարգեւի են արժանացել, օրինակ «Tomas Rasovsky» փաստաբանական գրասենյակի ներկայացուցիչները, ովքեր խտրականություն զոհերին ավճար օգնություն են տրամադրել:
«Ethnocatering» ծրագիրն էլ ընդունում է Աֆղանստանից, Հայաստանից, Վրաստանից փախստական կանանց, ովքեր կարողանում են պատրաստել իրենց ավանդական խոհանոցների ուտեստները:
Աշխատաշուկայում հավասարության սկզբունքի պաշտպանության եւ էթնիկ փոքրամասնությունների ներկայացուցիչների զբաղվածության խթանման նպատակով 2007թ. հիմնադրված մրցանակն արդեն շնորհվել է 50 ընկերության:
