ՆախընտրելիԿանադացի 17-ամյա երգիչ Ջասթին Բիբերին իր երեխայի հայրը համարող եւ նրանից ալիմենտ պահանջող ամերիկուհին հետ է վերցրել իր հայցը, տեղեկացնում է TMZ տեղեկատվական պորտալը:
Ըստ աղբյուրի` հայցը հետ է վերցվել անաղմուկ, իսկ 20-ամյա Մըրայի Յիտերի փաստաբանները հրաժարվել են ներկայացնել նրա շահերը: Նշենք, որ ամերիկուհին պատանի աստղից որպես ալիմենտ պահանջում էր 12 հազ. դոլար:
Ավելի վաղ հաղորդվել էր, թե Բիբերի փաստաբանը կապվել է Յիտերի փաստաբանների հետ եւ հաղորդել, որ երկու շաբաթից կանցկացվի ԴՆԹ-ի անալիզ, որից հետո նրանց պաշտպանյալի նկատմամբ պատասխան հայց կներկայացվի:
Յիտերն իր հայցում հայտարարել էր, թե սեռական կապի մեջ է մտել երգչի հետ 2010թ. հոկտեմբերին` Լոս Անջելեսում նրա մի համերգից հետո, իսկ հուլիսին որդի է ունեցել:
TMZ-ն հիշեցնում է, որ Յիտերը նախկինում հայտարարել էր, թե որդու հայրն իր նախկին ընկերն է:
