նախընտրելի դարձնել
ԱՄՆ նախագահ Ջո Բայդենը հայտարարել է, որ Չինաստանը, ՝ ի պատասխան երեքշաբթի հայտարարված ԱՄՆ նոր մաքսատուրքերի, կփորձի բարձրացնել իրար չառնչվող ապրանքների մաքսատուրքերը, սակայն այդ քայլը, ըստ Բայդենի՝դժվար թե հանգեցնի միջազգային հակամարտության:
Բայդենը երեքշաբթի ներկայացրել է չինական մի շարք ապրանքների, դրանց թվում՝ էլեկտրական մեքենաների մարտկոցների, համակարգչային չիպերի և բժշկական ապրանքների մաքսատուրքերը բարձրացնելու միջոցառումների փաթեթը։
Բայդենը կպահպանի իր նախորդի՝ հանրապետական Դոնալդ Թրամփի սահմանած մաքսատուրքերը և կբարձրացնի մյուսները, էլեկտրական մեքենաների մաքսատուրքերը քառապատկելով մինչև 100% և կիսահաղորդիչներինը՝ կրկնապատկելով մինչև 50% և այլն, ասված է Սպիտակ տան հայտարարության մեջ:
Նոր միջոցները կանդրադառնան 18 միլիարդ դոլար արժողությամբ չինական ապրանքների, մասնավորապես՝ պողպատի և ալյումինի, կիսահաղորդիչների, էլեկտրական մեքենաների, կարևոր օգտակար հանածոների, արևային մարտկոցների և կռունկների ներմուծման վրա:
