Գերմանիայի Քրիստոնեա-դեմոկրատական ​​միությունը (ՔԴՄ)՝ երկրի առաջատար ընդդիմադիր կուսակցությունը, ենթարկվել է խոշոր կիբերհարձակման և կանխարգելման նպատակով փակել է իր ՏՏ ենթակառուցվածքի մի մասը, հայտնում է Reuters-ը՝ վկայակոչելով գերմանական իշխանություններին։

«ՔԴՄ ցանցի վրա լուրջ կիբերհարձակում է տեղի ունեցել», - ասվում է Գերմանիայի ՆԳՆ-ի հայտարարության մեջ:

Գերատեսչությունը նշել է, որ անվտանգության մարմիններն ինտենսիվ աշխատում են հարձակումը հետ մղելու և հետաքննելու, ինչպես նաև հետագա վնասները կանխելու համար։

Նախարարությունը, սակայն, հարձակման մասշտաբների կամ ենթադրյալ հեղինակների մասին մանրամասներ չի հայտնել։