նախընտրելի դարձնելԱՄՆ-ում ձերբակալվել է 30-ամյա մի տղամարդ, ով հանդես գալով որպես պլաստիկ վիրաբույժ` վիրահատել է հետույքը մեծացնել ցանկացող այցելուհուն եւ նրան թունավոր նյութեր ներարկել:
Ինչպես հաղորդում է MEDdaily.ru-ն, Օնիլ Մորիսն առաջարկել է «վիրահատությունը» կատարել ընդամենը 700 դոլարի դիմաց: Սակայն կեղծարարը ներարկել է ցեմենտի, սուպերսոսինձի եւ սփրեյի խառնուրդ, որոնցով սովորաբար ամրացնում են ավտոմոբիլների անվադողերը:
The Telegraph-ը գրում է, որ «վիրահատությունից» հետո աղջիկն ուժեղ ցավեր է ունեցել: Նա գնացել է հիվանդանոց, պատմել կատարվածի մասին եւ տվել չարագործի հեռախոսահամարը: Բժիշկները բազմիցս փորձել են զանգահարել նրան` պարզելու համար, թե ինչ է արել հիվանդի հետ, սակայն ապարդյուն:
Կեղծ բժշկին հաջողվել է հայտնաբերել միայն իրավապահների միջամտությամբ, որոնք պարզել են, որ Մորիսը ընդհատակյա կլինիկաներից մեկի աշխատակից է:
