ՆախընտրելիԹուրքիայի իրավապահ ուժերը ամբողջ երկրում Քուրդստանի բանվորական կուսակցության հետ կապ ունենալու մեջ կասկածվող քուրդ ակտիվիստների են ձերբակալում:
Ըստ TRT հեռուստաալիքի, «Քրդական համայնքների միության» գրեթե 65 անդամներ են ձերբակալվել Դիարբեքիրում, Ստամբուլում, Իզմիրում, Բուրսում եւ Անկարայում:
Ակտիվիստների մեծամասնությունը (շուրջ 30 մարդ) ձերբակալվել է Դիարբեքիրում`Թուրքիայի հարավ-արեւելքում, որտեղ քրդերն ազգային մեծամասնություն են: Ձերբակալվածների թվում են նաեւ քրդական «Հանուն խաղաղության եւ ժողովրդավարության» (BDP) կուսակցության բարձրաստիճան անդամներ, հայտնում է Reuters-ը:
Հիշեցնենք, որ Թուրքիայում հոկտեմբերի սկզբին արդեն քուրդ ակտիվիստների զանգվածային ձերբակալություններ են եղել: Նաեւ քուրդ ապստամբներին գտնելու եւ վերացնելու խոշոր գործողություններ են իրագործվել` ռազմական տեխնիկայի եւ օդային ուժերի կիրառմամբ:
