Մեծ Բրիտանիայի թագուհու հրավերով Լոնդոնում գտնվող Թուրքիայի նախագահ Աբդուլլահ Գյուլը պատասխանել է թուրք լրագրողների հարցերին։

Թուրքական IHA գործակալության փոխանցմամբ՝  Թուրքիայի նախագահին հարցրել են նաեւ հայ-թուրքական արձանագրությունների մասին, ինչին ի պատասխան նա պնդել է, թե դժվար խնդիրները մեկ քայլով չեն լուծվում։

«Հայ-թուրքական հարաբերություններն այնքան սառած են, որ փչելով չեն հալչում։ Արձանագրությունների ստորագրման պահը լավ ժամանակաշրջանն էր, սակայն, ըստ ինձ կային չհամաձայնեցված բաներ։ Այս գործում տարածաշրջանում բոլորն իրենց շահերն ունեին»,-ասել է Գյուլը՝ շեշտելով, թե ստորագրված հայ-թուրքական արձանագրությունները դեռ ամբողջովին չեն մահացել։