ՆախընտրելիՆոյեմբերի 23-ին, դեղորայքից թունավորված եւ «Արմենիա» բժշկական կենտրոն տեղափոխված 21-ամյա Աննա Մարտիրոսյանը, պարզվում է ինքնասպանության փորձի արդյունքում էր հայտնվել հիվանդանոցում: Այս մասին NEWS. am-ի թղթակցի հետ զրույցում տեղեկացրեց «Արմենիա» բժշկական կենտրոնի գլխավոր թունաբան Միքայել Գաբրիելյանը:
«Աննայի թունավորումը, երեւի սիրային պատմության հետ է կապված: Նա չի ասել, թե կոնկրետ ինչի համար է ինքնասպանության փորձ կատարել»,- մանրամասնեց Միքայել Գաբրիելյանը եւ ավելացրեց, որ աղջիկն արդեն իրեն լավ է զգում եւ արդեն պատրաստվում են նրան դուրս գրվել:
Ավելի վաղ` NEWS. am-ը տեղեկացրել էր, որ նոյեմբերի 23-ին շապօգնության ծառայությունից տեղեկություն է ստացվել, որ դեղորայքային թունավորմամբ «Արմենիա» բժշկական կենտրոն է տեղափոխվել Սեպուհի փողոցի թիվ 18 տան բնակիչ, 21-ամյա Աննա Մարտիրոսյանը:
Հայաստանի ԱԻՆ լրատվական ծառայությունից հայտնել էին, որ ըստ բժիշկների՝ Աննա Մարտիրոսյանի վիճակը միջին ծանրության է:
