նախընտրելի դարձնել
Վենեսուելայի նախագահ Նիկոլաս Մադուրոն առաջարկել է բարեփոխել երկրի սահմանադրությունը՝ տարածքային բաժանման ձևը փոխելու և տնտեսությունը դիվերսիֆիկացնելու նպատակով, գրում է Bloomberg-ը։
«Սա փորձ է կառուցել նոր ժողովրդավարական պետական համակարգ, որը միավորում է համայնքային, սոցիալական և ժողովրդական իշխանությունը, - ասել է Մադուրոն շաբաթ օրը ելույթ ունենալով Ազգային ժողովում։- Մենք պետք է էլ ավելի առաջ գնանք նոր դիվերսիֆիկացված տնտեսություն կառուցելու գործում»:
Մադուրոն առաջարկում է տարածքը բաժանել կոմունաների, ինչը կարող է փոխել տարածաշրջանային քաղաքականությունը՝ քաղաքապետարանների և նահանգների նվազագույն մասնակցությամբ:
Որոշ դիտորդներ դա համարում են իշխանության հետագա ամրապնդման միջոց այն բանից հետո, երբ Վենեսուելայի ընդդիմությունը նրան մեղադրեց հուլիսին կայացած նախագահական ընտրությունների արդյունքները կեղծելու մեջ:
Եթե օրենսդիրների երկու երրորդը հավանություն տա բարեփոխումներին, ապա հաջորդ քայլը կլինեն հանրային քննարկումները 30 օրվա ընթացքում:
Երկրի հանգուցյալ առաջնորդ Ուգո Չավեսի նախորդ փորձը՝ փոփոխությունների ենթարկել 1999 թվականի սահմանադրությունը, 2007 թվականի հանրաքվեում բավարար ձայներ չստացավ:
