Չորեքշաբթի օրը Սպիտակ տունը աշխատանքից ազատել է Ազգային անվտանգության խորհրդի առնվազն երեք աշխատակցի, հաղորդում է CNN-ը՝ վկայակոչելով որոշմանը ծանոթ երեք աղբյուրներ:

Ազատումները տեղի են ունեցել հանդիպումից հետո, որտեղ ծայրահեղ աջ ակտիվիստ Լորա Լումերը կոչ է արել ԱՄՆ նախագահ Դոնալդ Թրամփին ազատվել Ազգային անվտանգության խորհրդի որոշ աշխատակիցներից, այդ թվում՝ ազգային անվտանգության իր գլխավոր խորհրդականից՝ ասելով, որ նրանք անհավատարիմ են:

Աղբյուրներից մեկն ասում է, որ կրճատումները Լումերի հետ հանդիպման անմիջական արդյունքն են: Առայժմ հայտնի չէ, թե արդյոք աշխատանքից ազատվածների թվում է եղել Ազգային անվտանգության հարցերով գլխավոր խորհրդական Ալեքս Վոնգը:

Մեկ այլ աղբյուր ենթադրում է, որ Ազգային անվտանգության հարցերով խորհրդական Մայքլ Վալցը, հնարավոր է, չի ցանկացել հեռացնել նրան աշխատանքից, քանի որ նա ներքաշված է վերջին Signal զրույցի սկանդալի շուրջ հակասությունների մեջ:

Երեք պաշտոնյաների թվում են Բրայան Ուոլշը, հետախուզության տնօրենը և Սենատի հետախուզության հանձնաժողովի նախկին պետքարտուղար Մարկո Ռուբիոյի գլխավոր աշխատակիցը՝ Թոմաս Բուդրին, օրենսդրական հարցերի ավագ տնօրեն, ով նախկինում աշխատել է որպես Կոնգրեսի օրենսդիր տնօրեն և Դեյվիդ Ֆեյթը՝ տեխնոլոգիաների և ազգային անվտանգության հսկողություն իրականացնող ավագ տնօրեն, ով ծառայում էր Պետքարտուղարությունում Թրամփի առաջին վարչակազմի ժամանակ:

Վալսն Օվալաձև գրասենյակում էր այլ հանդիպումների համար, երբ Լումերը չորեքշաբթի ժամանեց Թրամփի հետ մասնավոր հանդիպման և մնաց այնտեղ, մինչ նախագահը հանդիպում էր Լումերի հետ, հաղորդում է ցանցը:

Հինգշաբթի օրը Լումերը CNN-ին ասել է, որ ինքը չի բացահայտում Օվալաձև գրասենյակի հանդիպման մանրամասները՝ ելնելով Թրամփի հանդեպ հարգանքից: