նախընտրելի դարձնելՀանրապետության տարածքում այսօր՝ հունվարի 2-ին օրվա երկրորդ կեսին եւ գիշերը, սպասվում է թույլ ձյուն: Այս մասին NEWS.am-ին հայտնեցին Հայաստանի ԱԻՆ «Հիդրոմետ» ծառայությունից:
Նրանց փոխանցմամբ՝ հունվարի 3-ին, 4-ին, 5-ին եւ 6-ին սպասվում է առանց տեղումների եղանակ: Օդի ջերմաստիճանը էականորեն չի փոխվի, հունվարի 3-ին այն կիջնի:
Երեւանում օդի ջերմաստիճանը այսօր գիշերը կլինի -4-6 աստիճան ցուրտ, իսկ վաղը ցերեկը՝ 0-2 աստիճան տաքություն: Լեռնային շրջաններում հունվարի 3-ի գիշերը կլինի -10-15 աստիճան ցուրտ, ցերեկը՝ -3-8 աստիճան ցուրտ: Արարատյան դաշտավայրում օդի ջերմաստիճանը գիշերը կլինի -4-8 աստիճան ցուրտ, իսկ ցերեկը՝ -1+2 աստիճան: Հունվարի 4-ի գիշերը հանրապետությունում կլինի -8-10 աստիճան ցուրտ, իսկ ցերեկը՝ 0-2 աստիճան տաքություն:
«Հիդրոմետ» ծառայությունից հայտնեցին նաեւ, որ հունվարի 5,6-ից սկսած ջերմաստիճանը կբարձրանա, գիշերը կլինի -2-4 աստիճան, իսկ ցերեկը՝ 0-2 աստիճան տաքություն:
