նախընտրելի դարձնելՀոլիվուդյան հայտնի դերասաններ, ռեժիսորներ, պրոդյուսերներ, ԶԼՄ ներկայացուցիչներ են հավաքվել «Հայաստանի տանը»` Լոս Անջելեսում Հայաստանի գլխավոր հյուպատոսության նոր գրասենյակում` մասնակցելու ամանորյա ընդունելությանը եւ պարգեւատրման անակնկալ արարողությանը, գրում է «Asbarez»-ը:
Հայաստանի գլխավոր հյուպատոս Գրիգոր Հովհաննիսյանն իր ելույթում շնորհակալություն է հայտնել կինոյի ամերիկահայ գործիչներին` աշխարհի ստեղծագործական մայրաքաղաքում Հայաստանն ու հայկական տաղանդը ներկայացնելու գործում ունեցած ավանդի համար: «Արփի» միջազգային կինոփառատոնի տնօրեն Ալեքս Կալոգնոմոսը ներկայացրել է 2011թ. արդյունքները. տարին հարուստ է եղել նշանակալի ծրագրերով ինչպես Հոլիվուդում, այնպես էլ Հայաստանում:
Միջոցառման ժամանակ ՀՀ մշակությի նախարարության Ոսկե մեդալ է շնորհվել կինոյի, երաժշտության եւ արվեստի «Արփի» հիմնադրամի եւ միջազգային «Արփի» կինոփառատոնի հիմնադիր Սիլվա Մինասյանին:
Մինասյանը հիմնադրամն ստեղծել է 1995 թ-ին` Լոս Անջելեսում գեղարվեստական մթնոլորտի զարգացման եւ արվեստի միջոցով տարբեր մարդկանց եւ մշակույթներ մավորելու վայր հիմնադրելու նպատակով: 1997թ-ից փառատոնը դրամաշնորհներ եւ պարգեւներ է տրամադրել ավելի քան 100 արտիստի եւ դերասանի:
