Ըստ NBC News-ի՝ ԱՄՆ նախագահ Դոնալդ Թրամփը իր 79-ամյակի օրը ընդունել է ԱՄՆ բանակի 250-ամյակին նվիրված զորահանդեսը։

Միջոցառմանը մասնակցել են հազարավոր զինվորներ, հարյուրավոր միավոր տեխնիկա և տասնյակ ռազմական ինքնաթիռներ։

Ըստ գնահատականների, զորահանդեսն արժեցել է տասնյակ միլիոնավոր դոլարներ։

Ինչպես նշում է լրատվամիջոցը, զորահանդեսին ցուցադրվել են նաև դրոններ և ռոբոտ-շներ։

Զորահանդեսից հետո Թրամփը և փոխնախագահ Ջեյ Դի Վենսը հանդես են եկել ուղերձով։

Թրամփը շնորհակալություն է հայտնել զինվորականներին և պարծեցել նրանց հզորությամբ՝ ի ցույց օտարերկրյա հակառակորդների։

«Ամերիկայի թշնամիները հասկացել են, որ եթե սպառնում եք ամերիկյան ժողովրդին, մեր զինվորները կգան ձեր հետևից»,- ասել է նա։

Միևնույն ժամանակ, ամբողջ երկրում անցկացվել են բազմահազարանոց բողոքի ակցիաներ՝ ընդդեմ Թրամփի վարչակազմի ներգաղթային քաղաքականության։