Նախընտրելի
ROMOSS-ի եւ Anker-ի չինական արտադրողները լայնածավալ արշավներ են սկսել փաուերբանկերն արգելելու համար՝ դրանց ինքնաբռնկման ռիսկի պատճառով, հաղորդել է Mobiltelefon (MT) պորտալը։
ROMOSS-ը հայտարարել է մի քանի մոդելների՝ PAC20-272, PAC20-392 եւ PLT20A-152 դյուրակիր լիցքավորիչների հետկանչի մասին: Արտադրողը խորհուրդ է տվել անմիջապես դադարեցնել դրանց օգտագործումը եւ գաջեթները հանձնել վերամշակման: Չինաստանում այդ սարքերի արգելքն արդեն ուժի մեջ է նույնիսկ համալսարաններում:
Anker-ը նույնպես հայտնել է խնդիրների մասին՝ հետ կանչելով ավելի քան 1.1 միլիոն PowerCore 10 000 (A1263) փաուերբանկեր, որոնք վաճառվել են 2016թ. հունիսից մինչեւ 2022թ. դեկտեմբեր։ ԱՄՆ սպառողական ապրանքների անվտանգության հանձնաժողովը (USCPSC) գրանցել է լիթիումային մարտկոցների հրդեհի 19 դեպք, որոնք հանգեցրել են այրվածքների եւ ավելի քան 60 հազար դոլարի վնասի։
Anker սարքերի սեփականատերերին առաջարկվում է 30 դոլար արժողությամբ նվեր քարտ կամ անվճար փոխարինում A1388 մոդելով: Երկու արտադրողներն էլ խստորեն խորհուրդ են տալիս, որ փաուերբանկերը տարվեն լիթիումային մարտկոցների վերամշակման մասնագիտացված կենտրոններ, այլ ոչ թե նետվեն սովորական աղբարկղ՝ հրդեհի առաջացման վտանգի պատճառով:
