«Ես շատ հայ ընկերներ ունեմ և երբեք չեմ հանդիպել հայատյացության»։ Երևանում՝ ռուսաստանցի հայրենակիցների զանգվածային լրատվամիջոցների համաժողովի շրջանակում լրագրողների հետ զրույցում հայտարարել է Միջազգային հարաբերությունների Մոսկվայի պետական ինստիտուտի (МГИМО) միջազգային ժուռնալիստիկայի ֆակուլտետի դեկան Յարոսլավ Սկվորցովը։

«Իմ շնորհանդեսի սկզբում ես փորձեցի ցույց տալ, որ ինձ համար Հայաստանը մեծ, շատ բարի հեքիաթ է», -նշել է Յարոսլավ Լվովիչը։

Խոսելով այն մասին, թե ինչու է ընտրել հեքիաթները որպես շնորհանդեսի թեմա, նա նշել է, որ հեքիաթներն, ըստ էության, թերագնահատված են. «Քանի որ մեր տատիկներն են մեզ հեքիաթներ պատմել, մենք չենք մեծացել որպես խաբված սերունդ։ Ընդհակառակը, նրանց շնորհիվ է, որ մեր մեջ որոշ արմատական հիմքեր են դրվել։ Հեքիաթները բարդ բաների մասին են՝ պարզ բառերով»։

Ըստ Յարոսլավ Սկվորցովի՝ այսօրվա համաժողովի համար նախատեսված քննարկումը հաջողված էր։

Անդարդառնալով լրատվամիջոցների դերակատարության թեմային՝ փորձագետը նշել է, որ լրատվամիջոցները նույնիսկ երկխոսություն (դիալոգ) չեն, այլ պոլիալոգ (իշխանության պայքարն և իրականացումը վիճարկող բոլոր քաղաքական սուբյեկտների միաժամանակյա հոգևոր փոխազդեցության ձև-խմբ.)։ «Ցավոք, մեր մասնագիտության մեջ կան մարդիկ, ովքեր ոչ մեկին չեն լսում, բացի իրենցից։ Ես նրանց պրոֆեսիոնալ լրագրողներ չեմ համարում։ Պրոֆեսիոնալ լրագրողը գիտի լսել և ականջ դնել։ Այսօր ես շատ բան ունեի լսելու և ականջ դնելու։ Կրթել, զարգացնել, մտածելու առիթ տալ, փոխել քեզ սովոր դարձած տեսանկյունը՝ այս ամենը լավ, հետաքրքիր զրուցակցի գործառույթն է։ Եթե լրատվամիջոցը հանդես է գալիս որպես նման զրուցակից, այն կատարում է իր հիմնական գործառույթը», - նշել է МГИМО-ի ժուռնալիստիկայի ֆակուլտետի դեկանը։

Ի պատասխան Հայաստանի Հանրապետության տարածքում Սոլովյովի հաղորդաշարի փակման վերաբերյալ հարցի՝ Յարոսլավ Սկվորցովը նշել է. «Համաձայն Հայաստանի կառավարության նկատմամբ ամենայն հարգանքով հանդերձ, չեմ կարող մեկնաբանել նրա գործողությունները»։

Բարձր մակարդակով արտահայտված այն կարծիքի վերաբերյալ, թե լրատվամիջոցներն օբյեկտիվորեն չեն լուսաբանում Ռուսաստանում և Հայաստանում տեղի ունեցողը, Սկվորցովը նշել է, որ ինքը դա չի նկատել։

«Ես շատ հայ ընկերներ ունեմ և երբեք հակահայկական տրամադրությունների չեմ բախվել։ Հիմա հիշում եմ, թե ինչպես 20 տարի առաջ Հայ-ռուսական համալսարանում  ուսանողուհիներից մեկը հարց տվեց։ Նա բավականին ագրեսիվ սկսեց. «МГИМО-ն ադրբեջանական համալսարան է»։ Ես ասում եմ՝ ինչո՞ւ։ Նա պատասխանում է. Ալիևն ավարտել է այդ համալսարանը։ Ես ասում եմ՝ հրաշալի է։ Կարծում եք՝ նա միակ ուսանողն էր Անդրկովկասյան երկրներից, որն ավարտել է МГИМО-ն։ Եվ ես ինձ թույլ տվեցի կատակել, բայց, ինչպես գիտենք, յուրաքանչյուր կատակում ճշմարտության հատիկ կա։ Այն ժամանակ ես ասացի՝ «նախագահն է», հիմա կասեմ՝ «վարչապետն է», ահա ուրեմն, երբ Հայաստանի վարչապետը МГИМО-ի շրջանավարտ լինի, ինչ-ինչ պատճառներով ես կարծում եմ, որ МГИМО-ի երկու շրջանավարտներ կկարողանան լեզու գտնել նույնիսկ մեր ժամանակների ամենադժվար հարցերի շուրջ», - կատակել է Յարոսլավ Սկվորցովը։