Օմանը դատապարտել է իրանական միջուկային օբյեկտների վրա ԱՄՆ-ի հարձակումը, որը սպառնում է ընդլայնել հակամարտությունը մերձավորարևելյան տարածաշրջանում և խախտում է միջազգային իրավունքը։ Այս մասին ասվում է Օմանի արտաքին քաղաքական գերատեսչության հայտարարության մեջ, որի ղեկավար Բադր ալ-Բուսաիդին միջնորդ է հանդիսացել ԱՄՆ-ի և Իրանի միջև իսլամական հանրապետության միջուկային ծրագրի շուրջ բանակցություններում։

«Արտաքին գործերի նախարարությունը խորը մտահոգություն է հայտնել և դատապարտել իրանական տարածքում գտնվող օբյեկտների վրա ԱՄՆ-ի ուղիղ ավիահարվածներով պայմանավորված էսկալացիան։ Օմանը դատապարտում է այս անօրինական ագրեսիան և կոչ է անում անհապաղ դեէսկալացիայի։ ԱՄՆ-ի գործողությունները սպառնում են ընդլայնել պատերազմի մասշտաբները և հանդիսանում են միջազգային իրավունքի և ՄԱԿ-ի Կանոնադրության լուրջ խախտում, որն արգելում է ուժի կիրառումը, ինչպես նաև ոտնձգություն են պետությունների ազգային ինքնիշխանության և խաղաղ միջուկային ծրագրեր զարգացնելու նրանց օրինական իրավունքի դեմ»,- նշված է հայտարարության մեջ։