Իրանի երեք միջուկային օբյեկտներին ԱՄՆ-ի հասցրած հարվածները վկայում են, որ հենց Վաշինգտոնն է նախաձեռնել Իրանի վրա Իսրայելի հարձակումը։ Այս մասին հայտարարել է իսլամական հանրապետության նախագահ Մասուդ Փեզեշքիանը։

«Մեր երկրի որոշ միջուկային օբյեկտների վրա ԱՄՆ-ի գիշերային հարձակումը ցույց տվեց, որ հենց ԱՄՆ-ն է Իրանի Իսլամական Հանրապետության դեմ սիոնիստական ռեժիմի (նկատի ունի Իսրայելը - խմբ.) թշնամական գործողությունների գլխավոր նախաձեռնողը»,- նրա խոսքն է մեջբերում  Tasnim գործակալությունը։