ԱՄՆ-ն պատրաստ է պաշտպանվել, եթե Իրանը որոշի պատասխանել իր միջուկային օբյեկտներին ամերիկյան զինուժի հասցրած հարվածներին։ Այս մասին հայտարարել է ԱՄՆ պաշտպանության նախարար Փիթ Հեգսեթը՝ ԱՄՆ Զինված ուժերի Շտաբների պետերի կոմիտեի նախագահ Դեն Քեյնի հետ համատեղ մամուլի ասուլիսում։

«Սա բացարձակապես անժամկետ գործողություն չէ։ Սակայն դա չի սահմանափակում պատասխանելու մեր հնարավորությունը, մենք կպատասխանենք անհրաժեշտության դեպքում։ Մեր՝ աշխարհում ամենահզոր զինված ուժերը պատրաստ են պաշտպանելու մեր ժողովրդին»,- ասել է Պենտագոնի ղեկավարը։