նախընտրելի դարձնել
ԱՄՆ նախագահ Դոնալդ Թրամփը, ելույթ ունենալով Հաագայում ՆԱՏՕ գագաթաժողովում, համեմատել է Իրանին հասցված ԱՄՆ հարվածները Երկրորդ համաշխարհային պատերազմի ժամանակ Ճապոնիայի վրա ատոմային ռումբեր նետելու իր երկրի որոշման հետ, հաղորդել է The Guardian-ը։
«Նրանք տրիլիոնավոր դոլարներ ծախսեցին՝ փորձելով դա անել, եւ նրանք ձախողվեցին, եւ մենք իրականում շատ լավ ենք շփվում նրանց հետ հենց հիմա։ Բայց մի՞թե մենք հաջողության չհասանք այդ հարվածով։ Այդ հարվածն ավարտեց պատերազմը։ «Ես չեմ ուզում Հիրոսիման օրինակ բերել, չեմ ուզում Նագասակին օրինակ բերել, բայց, ըստ էության, դա նույն բանն էր, որ ավարտեց այդ պատերազմը։ Այն ավարտեց դա, այն ավարտեց այդ պատերազմը։ Եթե մենք դա չանեինք, նրանք հիմա կկռվեին»,- ասել է ԱՄՆ նախագահը։
Հիրոսիմայի եւ Նագասակիի ատոմային ռմբակոծությունները Միացյալ Նահանգների կողմից իրականացվեցին Երկրորդ համաշխարհային պատերազմի ամենավերջում՝ պաշտոնապես հայտարարված նպատակով՝ արագացնել Ճապոնիայի կապիտուլյացիան։ Սրանք մարդկության պատմության մեջ միջուկային զենքի մարտական կիրառման միակ օրինակներն են։
Հիրոսիմայի վրա նետված ռումբի պայթյունի հետեւանքով, տարբեր գնահատականներով, մեկ օրում սպանվել է 70 հազարից 100 հազար մարդ: 1945թ. վերջին մահացածների թիվը հասել էր 140 հազարի հիվանդանոցներում՝ ստացած վերքերի եւ ճառագայթման պատճառով:
