Նախընտրելի
Բեեր Շեւայի Բեն-Գուրիոնի համալսարանի վեց հետազոտական լաբորատորիաներ ոչնչացվել են, ինը այլ լաբորատորիաներ վնասվել են իրանական հրթիռի կողմից, որը հունիսի 19-ին հարվածել է նաեւ համալսարանի «Սորոկա» բժշկական կենտրոնի տարածքին, նշվել է համալսարանի՝ պատերազմից հետո հրապարակված զեկույցում։
«Times of Israel»-ը հաղորդել է, որ վեց ավերված լաբորատորիաներին պատճառված վնասը «խափանել է բազմամյա աշխատանքը բժշկության եւ կենսաբանության ոլորտներում տարբեր հետազոտական նախագծերի ուղղությամբ»։
Բժշկական գիտությունների ֆակուլտետի լսարանները, լաբորատորիաները եւ անատոմիայի ամբիոնը նույնպես զգալի վնասներ են կրել, ինչպես նաեւ Marcus Family գլխավոր մասնաշենքի 30 շենքերը: Համալսարանը, որը դեռեւս գնահատում է ծախսերը, կարծում է, որ դրանք կկազմեն տասնյակ, եւ հնարավոր է՝ հարյուր միլիոնավոր շեքել:
Վնասվել են 50 դասախոսների եւ աշխատակիցների, ինչպես նաեւ 48 ուսանողների տները, ինչի հետեւանքով առաջիններից 25-ը, վերջիններից՝ 41-ը ստիպված են եղել տարհանվել: Քաղաքից չորս ընտանիք, որոնց տները վնասվել են, տեղավորվել են ուսանողական հանրակացարաններում՝ տարհանված աշխատակիցների մի մասի հետ միասին:
